Announcement: Job fairs para sa mga bagong magsisipagtapos

Job fairs para sa mga bagong magsisipagtapos inanunsyo ng Department of Labor and Employment.

Inanunsiyo ni Kalihim Rosalinda Dimapilis-Baldoz ng Paggawa at Panghanapbuhay ang mga isasagawang DOLE job fair sa buong bansa para sa buwan ng Marso hanggang Hunyo. Kasabay ito ng kanyang pahayag na makakaasa ang mga magtatapos ngayong taon ng tulong mula sa DOLE, ngayong magiging bahagi na sila ng 42.507 milyong labor force na lumaki nang may 2.5 porsiyento mula 2010 hanggang 2014.

“Patuloy ang aming pagsusumikap na matulungan ang ating mga manggagawa na mabigyan ng trabaho. Ang pagsasagawa ng job fair ay subok at mabisang pamamaraan upang mabigyan ng trabaho ang ating manggagawa,” ani Baldoz.

“Patuloy kaming nagsusumikap na matugunan ang problemang job-skills mismatch sa pagpapalakas at pagpapabuti ng ating estratehiya at mekanismo ng pagbibigay ng trabaho, batay sa inilatag ni Pangulong Benigno S. Aquino III sa kanyang 22-Point Labor and Employment Agenda,” dagdag ng Kalihim.

Sinabi ni Baldoz na sa nalalapit na pagtatapos ng administrasyon ni Pangulong Aquino, nagtala ng pagbaba ang bilang ng kabataang walang trabaho. Naitala ang bilang sa 38.9 milyon batay sa January 2016 Labor Force Survey ng Philippine Statistics Authority. Bumaba ito ng 0.8 porsiyento mula sa 4.26 milyon noong Enero 2015.

“Kung susuriin, mataas pa rin ang bilang na ito, subalit kami ay hindi nawawalan ng pag-asa na magbubunga ng maganda ang mga tulong na ibinibigay ng pamahalaan, tulad ng pagsasagawa ng job fair nitong huling limang taon,” ani Baldoz.

Ang job fair ay isang mabisang paraan para makahanap ng trabaho dahil nagsasama-sama ang iba’t ibang kompanya sa iisang lugar para sa madaling paghahanap ng kuwalipikadong manggagawa. Maliban sa isinasagawang job fair ng DOLE, may mga kompanya at institusyon ding nagsasagawa ng kani-kanilang job fair.

Katulad ng nakalipas na limang taon, inaanunsiyo ng DOLE ang pagsasagawa ng job fair sa pakikipagtulungan ng mga lumahok na employers, academic institutions, at iba pang ahensiya ng pamahalaan sa pamamagitan ng Public Employment Service Offices (PESO).

Ipinahayag ni Bureau of Local Employment (BLE) Director Dominique R. Tutay ang mga sumusunod na nakatakdang job fair para sa buwan ng Marso hanggang Hunyo ng taong ito, na makikita rin sa Phil-JobNet:
Cordillera Administrative Region
Marso 15 – La Trinidad Municipal Gymnasium
Marso 18 – Pinukpuk, Kalinga
Marso 25 – Rizal, Kalinga
Abril 29 – University of Baguio Centennial Hall, Baguio
Hunyo 18 – Pasil, Kalinga
Hunyo 21-22 – Tabuk City, Kalinga
Region III
Marso 20 – College for Research and Technology (CRT) Cabanatuan City
Marso 22 – BPSU Sari-Gamit, BPSU Main Compound, Balanga City, Bataan
Marso 29 – Baliuag Gymnasium, Pagala, Baliuag, Bulacan
Abril 14 – STI Balagtas Campus Multi-Purpose Hall, Balagtas, Bulacan
Region IV-A
Marso 17 – Calamba City Hall, Laguna
Marso 18 – Pamantasan ng Cabuyao, Brgy. Banay-Banay, Cabuyao City, Laguna
Marso 19 – LSPU, Sta. Cruz, Laguna
Marso 31 – Calamba City Hall, Laguna
Abril 7 – Calamba City Hall, Laguna
Abril 14-16 – Calamba City Hall, Laguna
Abril 18 – Pavilion Mall, Biñan City, Laguna
Abril 21 – Calamba City Hall, Laguna
Abril 22 – PUP Biñan, Laguna
Abril 29 – Gabaldon Hall, Los Baños, Laguna
May 1 – SM Calamba
Mayo 1 – Waltermart Cabuyao, Brgy. Banlic, Cabuyao City, Laguna
Mayo 7 – Brgy. Timbao, Biñan City, Laguna
Mayo 12 – San Antonio, Los Baños, Laguna
Mayo 21 – Calamba City Hall, Laguna
Mayo 22 – Brgy. Casile, Biñan, Laguna
Mayo 26 – Calamba City Hall, Laguna
Mayo 27 – Gabaldon Hall, Los Baños, Laguna
Mayo 29 – Brgy. Ganado, Biñan City, Laguna
Hunyo 9 – Calamba City Hall, Laguna
Hunyo 11 – Covered Court, Brgy. Niugan, Cabuyao City, Laguna
Hunyo 16, 23, 30 – Calamba City Hall, Laguna
Region XI
Marso 19 – Gaisano Grand Mall of Panabo
Abril 20 – Assumption College of Nabunturan Gymnasium, Comval Province
Hunyo 22 – Maco Gymnasium, Maco, Comval Province
Region XII
Marso 25 – New City Hall, Koronadal City
Abril 5 – University of Southern Mindanao, Kabacan, Cotabato
Abril 29 – New City Hall, Koronadal City
Mayo 27 – New City Hall, Koronadal City
Hunyo 17 – Municipal Hall Lobby, Tampakan, South Cotabato
Hunyo 20 – Municipal Ground, Surallah, South Cotabato
Hunyo 24 – New City Hall, Koronadal City
CARAGA
Marso 18 – AMA Computer Learning Center, JC Aquino Ave., Butuan City
Marso 19 – Saint Joseph Institute of Technology, Montilla Blvd., Butuan City
Marso 27 – Municipal Lobby, Loreto, Agusan del Sur
Mayo 1 – DOLE Agusan del Norte Field Office, JP Rosales Ave., Butuan City
Mayo 1 – DOLE Agusan del Sur Field Office, San Francisco, Agusan del Sur
Mayo 1 – DOLE Surigao del Sur Field Office, Tandag City, Surigao del Sur
Hunyo 12 – DOLE Regional Office, JP Rosales Ave., Butuan City
Hunyo 14-15 – Naliyagan Cultural Center, Patin-Ay, Agusan del Sur
Hunyo 20 – LGU Tandag City
Hunyo 22 – Municipal Lobby, Francisco, Agusan del Sur
Hunyo 23-24 – Gymnasium, Bayugan City, Agusan del Sur
Hinimok ni Baldoz ang mga aplikante na lumahok sa mga gaganaping job fair at kanyang pinayuhan na ihanda ang mga kakailangaing dokumento bago pumunta. Kanya ring pinayuhan ang mga aplikante na dalhin ang mga sumusunod sa alinman sa mga job fair:
  • resume o curriculum vitae
  • 2 x 2 ID pictures (magdala ng karagdagang kopya para sa higit isang aplikasyon)
  • certificate of employment (mula sa dating pinagtrabahuhan)*
  • diploma at transcript of records
  • authenticated birth certificate.
Para sa karagdagang impormasyon, maaaring bumisitaang mga interesadong aplikante sa Public Employment Service Office na nakatala sa kani-kanilang lokal na pamahalaan,o sa DOLE Provincial at Regional Office. Maaari ding makita ang kumpletong talaan ng job fair sa http://www.phil-jobnet.dole.gov.ph/Schedule.aspx.
Share on Google Plus

About admin

This blog is all about Philippines Trending News, Politics, Sports, Businesss and Filipnos Abroad.

0 comments :

Post a Comment